Փաշինյանի որոշ թիմակիցներ գաղտնի տեսաձայնագրող սարքեր են գնել․ կոմպրոմատային պատերազմ. Politik.am

ՔՊ խմբակցության պատգամավոր, առողջապահության նախկին նախարար Արսեն Թորոսյանի անվան հետ կապվող աղմկոտ քրեական գործից եւ Երեւանի փոխքաղաքապետ Գեւորգ Սիմոնյանի կալանավորումից հետո իշխող թիմում արշալույսները այդքան էլ խաղաղ չեն։ Այս մասին գրում է Politik.am-ը:

ՔՊ-ում լավ են հասկանում, որ իրենց բոլորի անվան հետ կարող են կապվել քրեական գործեր, գրեթե բոլորը այս ընթացքում ֆինանսական առաջընթաց են ունեցել, որն այդքան էլ օրինական ճանապարհով չի եղել։

Թորոսյանի պաշտոնավարման ժամանակահատվածին առնչվող քրեական գործի չհարուցման մասով մամուլը գրեց, որ նախկին նախարարը ունի ինչ-որ գրագրություն, փաստեր, որոնք կարող է հրապարակել, եթե Փաշինյանը փորձի իրեն եւս տանել կալանավորման։ Ըստ մամուլի հրապարակումների, հենց այս հանգամանքն է Արսեն Թորոսյանի միակ երաշխքիը՝ ազատության մեջ մնալու։ Մամուլը նաեւ նախկին քաղաքապետ Հայկ Մարությանին առնչվող քրեական գործի սառեցման մասով գրեց, որ այն չի հասնում նախկին քաղաքապետի կալանավորմանը, քանի որ Փաշինյանը մտավախություն ունի, որ Մարությանի մոտ եղած իրեն առնչվող հնարավոր փաստերը կարող են հրապարակվել։

Իշխող թիմում լավ են հասկանում, որ Փաշինյանին կարող են կառավարելի պահել, եթե նրա դեմ կամ գործունեության մութ էջերի մասով ունենան փաստեր՝ ձայնագրություններ, տեսագրություններ։

Նյութն ամբողջությամբ կարդացեք սկզբնաղբյուր կայքում։