կարևոր
2431 դիտում, 1 տարի առաջ - 2023-03-20 17:15
Քաղաքական

Հայ-ռուսական դաշնակցային հարաբերությունները բարձր մակարդակի վրա են. Արարատ Միրզոյան

Հայ-ռուսական դաշնակցային հարաբերությունները բարձր մակարդակի վրա են. Արարատ Միրզոյան

ՀՀ ԱԳ նախարար Արարատ Միրզոյանը նշել է, որ այսօրվա հանդիպումն անցել է անկեղծ ու վստահելի միջավայրում։ Քննարկել են երկկողմ համագործակցության հարցեր։

Հայ-ռուսական դաշնակցային հարաբերությունները բարձր մակարդակի վրա են, և այդ համատեքստում շարունակվում է ինտենսիվ քաղաքական երկխոսությունը։ Այս մասին ՀՀ արտաքին գործերի նախարար Արարատ Միրզոյանն ասաց ՌԴ արտաքին գործերի նախարար Սերգեյ Լավրովի հետ համատեղ ասուլիսի ժամանակ` անդրադառնալով տարածաշրջանում ստեղծված իրավիճակին։

«Այսօրվա հանդիպումն անցել է անկեղծ ու վստահելի միջավայրում։ Մենք քննարկել ենք երկկողմանի համագործակցության, ինչպես նաև Հարավային Կովկասի տարածաշրջանում անվտանգության թեմատիկային առնչվող հարցերը։ Արձանագրել ենք, որ հայ-ռուսական դաշնակցային հարաբերությունները բարձր մակարդակի վրա են։ Շարունակվում է ինտենսիվ քաղաքական երկխոսությունը», - նշեց Միրզոյանը։

Հանդիպման ընթացքում ընդգծվել է 2 երկրների արտաքին քաղաքական գերատեսչությունների սերտ փոխգործակցությունը, որի հետագա առաջխաղացմանը միտված է ստորագրված երկամյա միջգերատեսչական խորհրդատվությունները։ Անդրադարձ է կատարվել նաև ՀԱՊԿ-ի, ԵԱՏՄ-ի, ԱՊՀ-ի և այլ տարածաշրջանային, միջազգային կազմակերպությունների շրջանակներում համատեղ փոխգործակցությանը: