կարևոր
3550 դիտում, 1 տարի առաջ - 2023-02-25 14:21
Քաղաքական

Ռուսական կողմը շարունակում է ջանքեր գործադրել, որ Լաչինի միջանցքը բացվի, հույս ունենք՝ դրական տեղաշարժ կլինի․ Արայիկ Հարությունյանի խոսնակ

Ռուսական կողմը շարունակում է ջանքեր գործադրել, որ Լաչինի միջանցքը բացվի, հույս ունենք՝ դրական տեղաշարժ կլինի․ Արայիկ Հարությունյանի խոսնակ

Փետրվարի 24-ին Արցախի Հանրապետությունում տեղակայված ռուսական խաղաղապահ զորակազմի հրամանատարությունը կազմակերպել է հանդիպում Արցախի և Ադրբեջանի պաշտոնական ներկայացուցիչների միջև: Այս մասին «Արցախպրես»-ի հետ զրույցում հաստատել է ԱՀ նախագահի մամուլի խոսնակ Լուսինե Ավանեսյանը՝ պարզաբանելով, որ քննարկվել են Արցախի շրջափակման վերացմանը, բնական գազի և էլեկտրականության կայուն ու անխափան մատակարարմանը վերաբերող հարցեր:  

«Հանդիպման ընթացքում ձեռք է բերվել պայմանավորվածություն՝ Հայաստան-Արցախ գազատարի անխափան աշխատանքի ապահովման, Շինուհայր-Ստեփանակերտ 110կՎ միակ բարձրավոլտ օդային գծի վերանորոգման և էլեկտրամատակարարման վերականգնման վերաբերյալ: 

Սպասում ենք ադրբեջանական կողմից համապատասխան քայլերի, որոնք հնարավորություն կտան մեր մասնագետներին հասնել էլեկտրամատակարարման խափանման վայր, գնահատել վնասը և սկսել վերանորոգման աշխատանքները: 

Ինչ վերաբերում է ճանապարհի արգելափակման վերացմանն, ապա մեր տվյալներով այդ ուղղությամբ ռուսական կողմը շարունակում է ջանքեր գործադրել, և հույս ունենք, որ կարճ ժամկետում դրական տեղաշարժ կլինի այդ առումով նույնպես»,- ասել է Լուսինե Ավանեսյանը: