կարևոր
3097 դիտում, 1 տարի առաջ - 2023-01-31 18:47
Աշխարհ

Եգիպտոսի ԱԳ նախարարը Լավրովին է փոխանցել Բլինքենի ուղերձը՝ «Ռուսաստանը պետք է հեռանա»

Եգիպտոսի ԱԳ նախարարը Լավրովին է փոխանցել Բլինքենի ուղերձը՝ «Ռուսաստանը պետք է հեռանա»

Եգիպտոսի ԱԳ նախարար Սամեհ Շուքրին իր ռուս գործընկեր Սերգեյ Լավրովին է փոխանցել ԱՄՆ պետքարտուղար Էնթոնի Բլինքենի ուղերձը Ուկրաինայի իրավիճակի վերաբերյալ, հաղորդում է «Интерфакс»-ը։

«Պարոն նախարարը փոխանցել է պետքարտուղար Բլինքենի ուղերձը։ Նա վերջերս այցելել Էր Կահիրե։ Ես դա հաստատում եմ»,-ասել է Լավրովը երեքշաբթի Մոսկվայում կայացած մամուլի ասուլիսի ժամանակ՝ ամփոփելով իր եգիպտացի գործընկերոջ հետ բանակցությունների արդյունքները։ 

Լավրովի խոսքով՝ Ռուսաստանը միշտ պատրաստ է լսել ցանկացած լուրջ առաջարկ, որն ուղղված է ներկա իրավիճակի կարգավորմանը։ «Այդ իմաստով մենք հերթական անգամ պարոն նախարարի միջոցով լսեցինք ուղերձ առ այն, որ «Ռուսաստանը պետք է դադարեցնի», «Ռուսաստանը պետք է հեռանա», եւ այդ ժամանակ ամեն ինչ լավ կլինի»,-ասել է Լավրովը։