Ադրբեջանի վերջին ագրեսիայի հետևանքով զոհված զինծառայողների 201 մարմին է նույնականացվել. Նախարար

Սեպտեմբերի 13-ին Ադրբեջանի սանձազերծած ագրեսիայից հետո զոհված զինծառայողների 201 մարմին է նույնականացվել, լրագրողների հետ զրույցում ասաց ՀՀ առողջապահության նախարար Անահիտ Ավանեսյանը:

Նա նշեց, որ սեպտեմբերի 13-ից հետո չնույնականացված մարմիններ չկան. փորձաքննությունների ողջ ընթացքն ավարտվել է:

Խոսելով 44-օրյա պատերազմում զոհվածների մարմինների նույնականացման գործընթացի մասին՝ նախարարն ասաց, թե  չնույնականացված դիերի հետ կապված  երկու անգամ փորձաքննություններ են իրականացրել նաև Հոլանդիայում:

«Այդ փորձաքննությունների պատասխաններն արդեն իսկ ստացել ենք, բայց դեռ ունենք մասունքներ, որոնք, ցավոք սրտի, այնտեղ էլ hնարավոր չի եղել նույնականացնել: Մեր կողմից փորձաքննության ենթարկված մարմիններից  60-ից ավելին տարվել են արտերկիր, որոնք այնտեղ ևս նույնականացվել են», - ասաց նախարարը:

Ավանեսյանի խոսքով՝ կան նույնականացված դիեր, որոնք չեն հուղարկավորվել: