կարևոր
3448 դիտում, 1 տարի առաջ - 2022-09-28 14:54
Քաղաքական

Այն թուղթը, որ Տեր-Պետրոսյանը ցույց տվեց հարցազրույցի ժամանակ, մենք դա չենք քննարկել․ Քոչարյան

Այն թուղթը, որ ինքը (Առաջին նախագահ Լևոն Տեր Պետրոսյան, խմբ.) իր հարցազրույցի ժամանակ կարդացել է, մենք չենք տեսել և այդպիսի բան մեզ չի ներկայացվել: Չի եղել: Ուղղակի նա այդ բովանդակությունը փորձել է որպես տեսակետ մեզ արտահայտել, բայց մենք այնտեղ չենք քննարկել երկու հայտարարություններ: Այս մասին սեպտեմբերի 28-ին հրավիրված մամուլի ասուլիսի ժամանակ ասաց ՀՀ Երկրորդ նախագահ Ռոբերտ Քոչարյանը, անդրադառնալով նախագահների և Վեհափառի հանդիպմանը և Առաջն նախագահ Լևոն Տեր-Պետորսյանի առաջարկին:

«Քանի որ տարաձայնությունը երևաց, որ բավական խորն է, ուղղակի միանգամից առաջարկ եղավ մի հայտարարություն անել, որը դուռ բաց կպահի այդ ֆորմատի աշխատանքի շարունակության համար: Մենք երկու հայատարություններ չենք դրել, սա է իրականությունը և կներեք չեմ կարող մանրամասների մասին խոսել»,-ասաց Երկրորդ նախագահը:

«Դա Լևոն Տեր-Պետրոսյանի մոտեցումն է և նման մոտեցում նա ունեցել է դեռ 1992 թվականին։ Երբեք չեմ համարել , որ լինում են անհույս վիճակներ, երբ միայն պայքարողի համար է դուռ բացվում ։  Կտրականապես համաձայն չեմ այդ գնահատականների հետ ։ Այո՛ վիճակը ծանր է , կան բազմաթիվ պրոբլեմներ , բայց դա չի նշանակում, որ այս վիճակում պետք է հանձնվենք ու ընդունենք այն պարտադրանքները , որ այսօր վարում են Հայաստանի նկատմամբ»,-ասաց ՀՀ երկրորդ նախագահը՝ կրկին հիշեցնելով․ «Կտրականապես համաձայն չեմ այդ գնահատականների հետ» ։