ՏԵՍԱՆՅՈՒԹ․ Yerkir.am-ի խմբագրին ոստիկանները գետնին գցելով, բոլոր տեղերին հարվածելով՝ փորձեցին բերման ենթարկել

Ոստիկանները հարվածներ տեղացին Yerkir.am-ի գլխավոր խմբագիր Վահե Սարգսյանի մարմնի բոլոր մասին, պատռեցին վերնաշապիկն ու փորձեցին բերման ենթարկել Կառավարության 3-րդ մասնաշենքի մոտից ընդամենը մի կողմում կանգնած վիճակից։

«Ինձ գետնին գցելով, բոլոր տեղերիս հարվածելով ոստիկանները քարշ տվեցին՝ հաշվի չառնելով, որ լրագրող եմ։ Թացը չորին խառնելով՝ հարվածում են»,-մեկնաբանեց Վահե Սարգսյանը։

Նա վստահեցրեց, որ պարզապես կանգնած է եղել Իշխան Սաղաթելյանի և Արամ Վարդևանյանի հետ։

«Պարզապես ասում էի ոստիկաններին՝ այսպես ագրեսիվ մի տրամադրվեք: Վայրենաբարո ձեւերով հարձակվեցին, չէր տարբերվում՝ ով ում է խփում: Ինձ գետնին գցելով՝ 3-4 րոպե բոլոր տեղերիս հարվածել են: Ես ներկայացա՝ ինձ մեքենայից իջեցրին»,-ասաց Վահե Սարգսյանը։

Ոստիկանները նրա վերնաշապիկը պատռել են, առողջությանը վնաս հասցրել։

Նշենք, որ «Դիմադրություն» շարժման անդամները Կառավարության 3-րդ մասնաշենքի մոտ են, որպեսզի ընդդիմադիր պատգամավորները մտնեն ներս՝ պարզելու նախարարների դիրքորոշումը Շարժման ձևակերպած Հայտարարության մասին, բայց ոստիկանները բախում հրահրեցին ու սկսեցին բերման ենթարկել խաղաղ ցուցարարներին։

Մանրամասն՝ տեսանյութում․