Այս օրերին իշխանական քարոզչական մեքենան իրականացրեց «պապիկ գործողությունը». Գեղամ Մանուկյան

ՀՅԴ անդամներ, ՀՀ ԱԺ «Հայաստան» պատգամավորներ Գեղամ Մանուկյանը և Արծվիկ Մինասյանն այցելել են «Արթիկ» ՔԿՀ, հանդիպել կալանավորված իրենց ընկերներին: 

Գեղամ Մանուկյանը ֆեյսբուքյան լայվով պատմեց, որ նախորդ շաբաթ շարժման ավտոերթի մասնակիցների ճանապարհը փակել էին քաղաքացիներ, որոնք ներկայանում էին որպես գերեվարված զինծառայողների հարազատներ, սակայն ավելի ուշ պարզվեց, որ գերի ընկած մի քանի հոռոմցիների թիկունքում թաքնված էին մեծ թվով մարդիկ, որոնք ոչ մի կապ չունեին գերեվարված անձանց հետ, հատուկ ՔՊ-ական սադրիչների կողմից բերվել էին սադրանք կազմակերպելու, ինչին հաջորդել է պատմությունների մի մեծ շարք:
«Կազմակերպված սադրանք, որի արդյունքում իշխանության մամլիչ ուժը ՀՅԴ երիտասարդներից շատերին բերման ենթարկեցին, մի մասը կալանքի տակ է»,- ասաց Մանուկյանը: 

Դաշնակցական երիտասարդ Վելիխան Խլղաթյանն էլ խոսելով Գյումրիում տեղի ունեցած միջադեպի մասին, ասաց, որ այս օրերեին իշխանական քարոզչական մեքենան իրականացրեց «պապիկ գործողությունը», որը հատուկ է այս իշխանության համար։