Պատերազմի 2,5 ամիսների ընթացքում Ուկրաինան կորցրել է մոտ 80 «Բայրաքթար» ԱԹՍ

Հատուկ գործողության 2,5 ամիսների ընթացքում Ուկրաինայի զինված ուժերը կորցրել են մոտ 80 Bayraktar TB2 հարվածային անօդաչու թռչող սարքեր։

«Ուկրաինայում ռուսական հատուկ գործողության սկզբից ի վեր երկրի զինված ուժերի կորուստներն արդեն հասել են 80 «Բայրաքթար» անօդաչուների։ Ռուսական հակաօդային պաշտպանության ուժերի կողմից խոցված՝ թուրքական արտադրության անօդաչու թռչող սարքերի մնացորդների լուսանկարները լցրել են սոցիալական ցանցերը և ոչնչացրել Էրդողանի փեսայի ստեղծած՝ դրանց անխոցելիության մասին լեգենդը։ Զմեյինի կղզին գրոհելու փորձի ժամանակ կորուստները զգալիորեն ավելացել են. այնտեղ կորել է 29 անօդաչու թռչող սարք, այդ թվում՝ 8 Բայրաքթար»,- հայտնում են ռուսական թելեգրամյան ալիքները։

Հաշվի առնելով ՌԴ պաշտպանության գերատեսչության պաշտոնական տվյալները՝ Bayraktar TB2 անօդաչու թռչող սարքերի կորուստը կարող է հասնել 60 միավորի։ Սակայն, հաշվի առնելով այն հանգամանքը, որ անօդաչուների մի մասը կարող էր ոչնչացվել անգարներում, ներկայացված տվյալները կարող են լինել այլ։