ՏԵՍԱՆՅՈՒԹ․ Լռության րոպե՝ Արցախի Հանրապետությունում․ ապա խաչերթ՝ Աշոտ Երկաթի Սուրբ Խաչի առաջնորդությամբ

Արցախի Հանրապետությունում հայտարարվել է Լռության րոպե՝ Մեծ Հայրենականում, Արցախյան առաջին, Ապրիլյան և 44-օրյա պատերազմներում հանուն Հայրենիքի զոհվածների հիշատակին՝ հայտնում է Yerkir.am-ը։

Լռության րոպեից անմիջապես հետո Ստեփանակերտի Աստվածամոր Սուրբ Հովանի Մայր Տաճարում կատարվեց հոգեհանգստյան կարգ` ի հիշատակ նահատակված հերոսների:

Ապա Ստեփանակերտի Աստվածամոր Սուրբ Հովանի Մայր Տաճարից Հայոց բանակի պահապան Աշոտ Երկաթի պատմական Սուրբ Խաչի առաջնորդությամբ մեկնարկեց Խաչերթ դեպի Ստեփանակերտի հուշահամալիր:

«Մենք ենք, մեր սարերը» հուշարձանի հարակից տարածքում նախատեսված է «Հաղթանակի ակնթարթներ» մշակութաժամանցային ծրագիր․ ավանդական խաղեր, պլեներային նկարչություն, «Նաղաշ» մշակութաժամանցային ծրագիր, դաշտային խոհանոցի ծավալում:

Մանրամասն՝ տեսանյութում․