ՏԵՍԱՆՅՈՒԹ․ Հայաստանը և Արցախ աշխարհը մեր միասնականության և վճռականության կարիքն ունի․ Մհեր Մելքոնյան

Մեր թիվ մեկ նպատակն է, որ ցույց տանք, որ վճռական ենք տրամադրված, միասնական ենք, որովհետև այսօր Հայաստանը և Արցախ աշխարհը մեր միասնականության և վճռականության կարիքն ունի՝ ըստ Yerkir.am-ի ասաց ՀՅԴ Շիրակի մարզային կոմիտեի ներկայացուցիչ Մհեր Մելքոնյանը Գյումրիի Շառլ Ազնավուրի հրապարակից մեկնարկած «Դիմադրություն» շարժման երթից առաջ։

«Միասնական, վճռական «ո՛չ» ենք ասում ներկա իշխանություններին, քանի որ 2018 թ-ից ի վեր այս իշխանությունը միայն չարիք բերեց մեր ազգի և պետության գլխին»,-ասաց Մհեր Մելքոնյանը։

Նշենք, որ ապակենտրոն, ցանցային «Դիմադրություն» շարժման պայքարի շրջանակում ապրիլի 25-ից իրազեկման ակցիաներ են տեղի ունենում Երևանի տարբեր հատվածներում։ Զուգահեռ խորհրդանշական 4 վայրերից՝ Իջևանից, Տիգրանաշենից, Սարդարապատից ու Ապարանից արժանապատիվ քաղաքացիները քայլերթերով շարժվում են դեպի Երևան, որպեսզի մայիսի 1-ին ժամը 16։00 միանան համընդհանուր հանրահավաքում։

Մանրամասն՝ տեսանյութում․