ՏԵՍԱՆՅՈՒԹ․ Ոչնչից նույնիսկ Աստվածները ոչինչ չեն կարող ստեղծել՝ մեր քննիչներն ուզում են հակառակն ապացուցել․ փաստաբան

Այսպիսի խոսք կա՝ ոչնչից նույնիսկ Աստվածները ոչինչ չեն կարող ստեղծել, մեր դատախազությունն ու քննչական մարմիններն ուզում են հակառակը ապացուցել՝ Yerkir.am-ին ասաց «բ*ի տղա Նիկո՛լ»-ի գործով փաստաբան Սերգեյ Հարությունյանը Երևանի ընդհանուր իրավասության դատարանի Կենտրոնի նստավայրում։

Գործն այս պահին գտնվում է ապացույցների գնահատման փուլում։

«Նախորդ երկու դատական նիստերին գրեթե 5 ժամի չափ մենք տեսաձայնագրություններն էինք նայում, որտեղ երևում է, որ ամբաստանյալներից որևէ մեկը որևէ ապօրինի գործողություն չի կատարում»,-ասաց փաստաբանը։

Հիշեցնենք, որ 10 անձի խուլիգանության մեղադրանք է առաջադրվել այն բանից հետո, որ ՀՀ գլխավոր դատախազության դիմաց լսվել է վանկարկում «բ*ի տղա Նիկո՛լ»։ Դատարանը պետք է պարզի՝ արդյո՞ք քաղաքացիներ Արսեն Վարդանյանը, Էմանուել Սինանը, Նարեկ Վերդյանը, Արշակ Սարգսյանը, Սարգիս Կարապետյանը, Տարոն Մանուկյանը, Մեսրոպ Եղիազարյանը, Աշոտ Հովհաննիսյանը, Բագրատ Եսայանը եւ Նարեկ Մանթաշյանն են եղել «բ*ի տղա Նիկո՛լ» վանկարկողները, և արդյո՞ք այդ բնորոշումը համարվում է խուլիգանություն: Մեղադրանքն առաջադրվել է հասարակական կարգը դիտավորությամբ խախտելու համար, որն արտահայտվել է հասարակության նկատմամբ բացահայտ անհարգալից վերաբերմունքով: Քաղաքացիների նկատմամբ խափանման միջոց է ընտրվել ստորագրությունը չհեռանալու մասին։

Մանրամասն՝ տեսանյութում․