ՏԵՍԱՆՅՈՒԹ․ Ես այլևս խորհրդարանում չեմ պատկերացնում՝ ինչ պետք է անեմ․ Արթուր Վանեցյան

Համարեք, մանդատը վար ենք դրել՝ այստեղ ենք՝ փողոցում ենք, խորհրդարանում չենք, ժողովրդի հետ ենք, կանգնած ենք գետնին, շփվում ենք ամեն օր ժողովրդի հետ՝ ըստ Yerkir.am-ի ասաց ԱԺ «Պատիվ ունեմ» խմբակցության ղեկավար Արթուր Վանեցյանը Ազատության հրապարակում մամուլի ասուլիսի ժամանակ պատասխանելով հարցին՝ արդյո՞ք «Պատիվ ունեմ» խմբակցությունը վար կդնի մանդատները։

«Ես այլևս խորհրդարանում չեմ պատկերացնում՝ ինչ պետք է անեմ, ինչ քննարկեմ, ինչի մասին խոսեմ՝ մի խորհրդարանում, որտեղ ասում են, որ Արցախում ապրող հայը կարա ապրի ադրբեջանցու ենթակայության տակ, ես այդ խորհրդարանում, չգիտեմ, այլևս ինչով պետք է զբաղվեմ։ Այնպես որ, մանդատը վար դնելը կամ չդնելը տեխնիկական հարց է»,-ասաց Արթուր Վանեցյանը։

Բայց, այնուամենայնիվ, հավելեց, որ իշխանափոխությունը տեղի է ունենալու խորհրդարանում՝ փողոցի ճնշման տակ իշխանափոխությունն իրականացվելու է խորհրդարանում, և այդ մանդատները իրենց պետք են գալու այդ գործընթացն իրականացնելու համար։

Մանրամասն՝ տեսանյութում․