Ֆրանսիան, Իտալիան, Գերմանիան և Դանիան որոշել են վտարել տասնյակ ռուսաստանցի դիվանագետների

Ֆրանսիան որոշել է արտաքսել ռուսաստանցի դիվանագետների, որոնց գործողությունները, ըստ Փարիզի, հակասում են երկրի անվտանգությանը. ասվում է հանրապետության արտաքին գործերի նախարարության կոմյունիկեի մեջ։

«Այս գիշեր Ֆրանսիան որոշել է արտաքսել դիվանագիտական կարգավիճակ ունեցող՝ ռուսաստանցի մի շարք աշխատակիցների, որոնց գործողությունները հակասում են մեր անվտանգության շահերին»,- ասվում է փաստաթղթում։

Տարբեր աղբյուրների համաձայն՝ խոսքը մոտ երեսուն դիվանագետի մասին է:

ՌԴ ԱԳՆ ներկայացուցիչ Մարիա Զախարովան ասել է, որ Մոսկվան «արժանապատվորեն կպատասխանի»։

Ավելի վաղ Գերմանիայի արտգործնախարար Աննալենա Բերբոկը պերսոնա նոն գրատա էր հայտարարել 40 դիվանագետի։ Բացի դրանից՝ այսօր Լիտվան և Լատվիան իջեցրել են Ռուսաստանի հետ դիվանագիտական հարաբերությունների մակարդակը՝ հետ կանչելով իրենց դեսպաններին Մոսկվայից։ Իրենց հերթին, ռուսաստանցի դիվանագետները պետք է լքեն Վիլնյուսը և Ռիգան։

Գերմանական և իտալական ԶԼՄ-ները հայտնում են, որ իրենց երկրների ղեկավարությունները պատրաստվում են շարունակել ռուսաստանցի դիվանագետների արտաքսումը:

Դանիայի արտաքին գործերի նախարար Յեպպե Կոֆոդը հայտարարել է, որ 15 ռուս դիվանագետներ արտաքսվում են երկրից։