Զելենսկին դեմ է Ուկրաինա խաղաղապահներ բերելուն

Ուկրաինայի նախագահ Վլադիմիր Զելենսկին հավանություն չի տվել Լեհաստանի՝ երկիր խաղաղապահներ մտցնելու գաղափարին՝ հակամարտությունը սառեցնելու և Ռուսաստանի հետ պատերազմը չավարտելու վտանգի պատճառով։

Պետության ղեկավարն այս հարցի վերաբերյալ իր կարծիքն է հայտնել ռուս լրագրողներին տված հարցազրույցում։

«Ես դեռ լիովին չեմ հասկանում այս առաջարկը: Մեզ պետք չէ սառեցված հակամարտություն մեր պետության տարածքում, ես դա բացատրեցի լեհ գործընկերների հետ մեր հանդիպման ժամանակ: Ես գիտեմ, որ նրանք շարունակել են այս հռետորաբանությունը», - ասել է նա:

«Բարեբախտաբար, կամ ցավոք սրտի, սա դեռ մեր երկիրն է, և ես նախագահն եմ, ուստի առայժմ մենք կորոշենք՝ արդյոք այստեղ որոշակի ուժեր կլինեն»,- հավելել է Զելենսկին։