Եթե 4-5 օր ձյունը շարունակվի, ապա ճանապարհների աղի պաշարները կսպառվեն․ Երևանի քաղաքապետարանի պաշտոնյա

Քաղաքապետ Հրաչյա Սարգսյանը հետաքրքրվեց, թե արդյոք աղի ու ավազի պաշարները բավարար են, ի պատասխան Հովհաննես Մանուկյանն ասաց․ «Այսօր առավոտյան վերջացավ թե Ջրվեժում, թե Թբիլիսյան խճուղիում, հիմա մնացել է միայն մեր հիմնարկում: Այս մի քանի օրվա ընթացքում կբավարարի, բայց եթե 4-5 օր ձյունը շարունակվի՝ չի բավարարի»:

Երևանի քաղաքապետարանում ներկայացվեց նաև  «Հիդրոմետ» ծառայության կողմից ներկայացված տեղեկատվություն առ այն, որ այսօր Երևանում առավոտյան ձյունը դեռ կպահպանվի, կեսօրից հետո կդիտվի դադար: Մարտի 22-23-ին և 25-ի ցերեկն ու 26-ին սպասվում է առանց տեղումների եղանակ: Մարտի 23-ի և 25-ի գիշերը եւ երեկոյան, 24-ին ժամանակ առ ժամանակ սպասվում են տեղումներ ձյան և ձնախառն անձրևի տեսքով: Առավելագույն ջերմաստիճանը կգրանցվի մարտի 26-ի ցերեկը՝ +4+6 աստիճան, իսկ առավելագույն ցածր ջերմաստիճանը կգրանցվի մարտի 26-ի ցերեկը՝ 0-2 աստիճան: