«Դա կդիտվի հարձակում Դաշինքի վրա». ՆԱՏՕ-ն զգուշացրել է Ռուսաստանին՝ չհարձակվել Ուկրաինակյի մատակարարման գծերի վրա

ՆԱՏՕ-ի գլխավոր քարտուղար Իենս Ստոլտենբերգը նախազգուշացրել է, որ Ռուսաստանի հարձակումը դաշնակից երկրների մատակարարման գծերի վրա, որոնք աջակցում են Ուկրաինային զենքով և զինամթերքով, կարող է համարվել հարձակում Դաշինքի վրա։ Այս մասին նա ասել է CBC-ին տված մեկնաբանությունում։

Նա ընդգծել է, որ դաշնակիցներն օգնում են Ուկրաինային՝ պաշտպանել իր ինքնապաշտպանության իրավունքը, որն ամրագրված է ՄԱԿ-ի կանոնադրությամբ։ Ստոլտենբերգի խոսքով՝ ագրեսորը Ռուսաստանն է, իսկ Ուկրաինան պաշտպանում է իրեն։ Եվ «եթե որևէ հարձակում լինի ՆԱՏՕ-ի որևէ երկրի, ՆԱՏՕ-ի տարածքի վրա, դա կգործարկի 5-րդ հոդվածը»:

Վաշինգտոնի պայմանագրի 5-րդ հոդվածում ասվում է, որ եթե ՆԱՏՕ-ի անդամ պետություններից մեկը դառնա զինված հարձակման զոհ, Դաշինքի մյուս անդամ երկրները դա կհամարեն հարձակում ՆԱՏՕ-ի բոլոր երկրների վրա և կպատասխանեն դրան։

Ստոլտենբերգը միանգամայն վստահ է, որ «նախագահ Պուտինը գիտի դա»: