Ռուսաստանը պատժամիջոցների քանակով առաջ է անցել Հյուսիսային Կորեայից և Իրանից

Ուկրաինայում ռազմական գործողությունների 10 օրվա ընթացքում Ռուսաստանը շրջանցել է Իրանն ու Հյուսիսային Կորեան՝ դառնալով աշխարհի ամենաշատ պատժամիջոցի ենթարկված երկիրը։

Փետրվարի 22-ից ի վեր Ռուսաստանը 2778 նոր պատժամիջոցների թիրախ է դարձել ԱՄՆ-ի և եվրոպական երկրների կողմից ձեռնարկված գործողությունների արդյունքում։ Երկրի դեմ պատժամիջոցների ընդհանուր թիվը հասել է ավելի քան 5530-ի։ Սա ավելին է, քան Իրանինը, որը տասնամյակի ընթացքում բախվել է 3616 պատժամիջոցի՝ հիմնականում իր միջուկային ծրագրի պատճառով, Սիրիայինը, որի նկատմամբ կիրառվել է 2608 պատժամիջոց, Հյուսիսային Կորեայինը (2 077), Վենեսուելայինը, Մյանմարինը և Կուբայինը (651, 510 և 208՝ համապատասխանաբար):