ԵՄ երկրները փոխել են իրենց կարծիքը Ուկրաինա կործանիչներ ուղարկելու վերաբերյալ

ԵՄ երկրները Ուկրաինա չեն ուղարկի կործանիչներ, ինչի մասին նախապես հայտարարվել էր։ Այս մասին հայտնում է Politico-ն։

Այսպես՝ Լեհաստանը հայտարարել է, որ կործանիչներ չի ուղարկի Ուկրաինա։ Լեհաստանից բացի, դաքբացառել են նաև Բուլղարիայի և Սլովակիայի կառավարությունները։

Բուլղարիայի վարչապետ Կիրիլ Պետկովն ասել է, որ իր երկիրը չունի պիտանի ինքնաթիռներ և պահեստամասեր, ինչպես նաև բավարար կործանիչներ սեփական օդային տարածքը պաշտպանելու, առավել ևս՝ Ուկրաինային տրամադրելու համար։ Սլովակիայի պաշտպանության նախարարության ներկայացուցիչը երեքշաբթի նույնպես հերքել է նվիրատվությունը։ «Սլովակիան կործանիչներ չի տրամադրի Ուկրաինային», - ասել է խոսնակը։

Նրանց է միացել նաեւ Լեհաստանի նախագահ Անջեյ Դուդան։ Ելույթ ունենալով Լեհաստանի Լասկի ավիաբազայում՝ ՆԱՏՕ-ի գլխավոր քարտուղար Իենս Ստոլտենբերգի կողքին՝ Դուդան ասել է, որ իր երկիրը «չի պատրաստվում որևէ ինքնաթիռ ուղարկել Ուկրաինա»՝ պատճառաբանելով, որ «դա կհանգեցնի ռազմական միջամտության»: