Հայաստանի օրակարգում Դոնեցկի և Լուգանսկի անկախությունը ճանաչելու հարց չկա. ՀՀ ԱԳՆ

Մենք, բնականաբար, ցանկանում ենք, որ երկու բարեկամ պետությունների միջև առկա խնդիրները լուծվեն դիվանագիտական երկխոսության և բանակցությունների միջոցներով` միջազգային իրավունքի նորմերի ու սկզբունքների, ՄԱԿ-ի կանոնադրության հիման վրա, պատասխանելով «Արմենպրես» լրատվական գործակալության հարցին՝ ասել է ՀՀ ԱԳՆ խոսնակ Վահան Հունանյանը:

«Հուսով ենք, որ անհրաժեշտ քայլեր կձեռնարկվեն՝ լարվածության նվազեցման և իրավիճակի խաղաղ հանգուցալուծման համար»,- ասվում է Հունանյանի պատասխանում:

Հարցին, թե հավանական համարո՞ւմ եք Դոնեցկի և Լուգանսկի ժողովրդական հանրապետությունների ճանաչումը ՀՀ կողմից, Հունանյանն ասել է, որ նման հարց օրակարգում չկա: