Օբյեկտիվ քննություն հնարավոր չէ այն ուժի կողմից, որի օրոք թշնամին սանձազերծել է պատերազմ․ Գեղամ Մանուկյան

Մեկնարկել է 44-օրյա պատերազմի հանգամանքներն ուսումնասիրող քննիչ հանձնաժողովի առաջին նիստը։ Մինչ այդ ընդդիմադիր «Հայաստան» և «Պատիվ ունեմ» խմբակցությունները հայտարարել էին, որ չեն մասնակցելու հանձնաժողովի նիստերին, քանի որ չեն կարծում, որ օբյեկտիվ քննություն է լինելու։

«Օբյեկտիվ քննություն հնարավոր է, երբ քննիչ հանձնաժողովի մեծամասնությունը չի պատկանում այն քաղաքական ուժին, որի իշխանության օրոք Ադրբեջանի կողմից սանձազերծվել է պատերազմ»,- նիստում ասաց «Հայաստան» խմբակցության պատգամավոր Գեղամ Մանուկյանը։

Այնուհետև նա նշեց, որ, որպես քննիչ հանձնաժողովի անդամ, լքում են դահլիճը․ «Մենք ենք որոշում կայացնում մեզ համար, և եթե մի օր նպատակահարմար համարենք՝ կարող է գանք, շարունակենք մասնակցել»: