Իսրայելը առաջին անգամ հաստատել է, որ Էրդողանի և Հերցոգը հանդիպելու են

Կիրակի երեկոյան Իսրայելի նախագահի գրասենյակն առաջին անգամ պաշտոնապես հաստատել է, որ նախագահ Յիցհակ Հերցոգը նախատեսում է այցելել Թուրքիա և հանդիպել թուրք գործընկեր Ռեջեփ Թայիփ Էրդողանի հետ։

Իսրայելական ԶԼՄ-ները հայտնում են, որ երկու առաջնորդների՝ «շուտով հանդիպման հնարավորությունը» քննարկվել է կիրակի Հերցոգի և Էրդողանի հեռախոսազրույցում։

Հերցոգը զանգահարել է Էրդողանին՝ շուտափույթ ապաքինման մաղթանքներով. շաբաթ օրը Թուրքիայի նախագահը հայտնեց, որ վարակվել է կորոնավիրուսով։ Նախագահականում հայտնել են, որ զրույցի ընթացքում անդրադարձ է եղել նաև Իսրայելի նախագահի՝ Թուրքիա նախատեսվող այցին։

Հունվարի վերջին Թուրքիայի նախագահը հայտարարեց, որ Հերցոգը պետք է այցելի Թուրքիա «հաջորդ ամիս», և դա «նոր էջ կբացի» երկու երկրների հարաբերություններում։ Երկու օր առաջ Էրդողանը կրկին հայտարարեց, որ մարտի սկզբին ակնկալվում է Իսրայելի նախագահի այց։ Երկու անգամ էլ Իսրայելը հրաժարվել էր պաշտոնապես հաստատել Թուրքիա այցի պլանները։