Սա նախազգուշացում է ոչ միայն Բախշյանին, այլև իշխանության կամակատարը չդարձած դատավորներին․ Էլինար Վարդանյան

Դեպի բռնապետություն

Դատավոր Բորիս Բախշյանի նկատմամբ իրավապահների գործողությունները, քրեական հետապնդումը խիստ սպասելի էին: Սա ուղղորդված քրեական գործերով իշխանությունների համար ոչ ընդունելի որոշում կայացրած դատավորի գործողություններին միակ արձագանքն է, որ կարելի էր ակնկալել:

Սա նախազգուշացում է ոչ միայն Բախշյանին, այլև դատական համակարգում օրենքով առաջնորդվող, իշխանության կամակատարը չդարձած դատավորներին: Սա նախազգուշացում է ողջ դատական համակարգին:

Իսկ էլ ի՞նչ կարելի էր ակնկալել ԵԽԽՎ «չափանիշներով» ժողովրդավարության բաստիոնից:

Եվ որքան էլ իշխանությունները թմբկահարեն ԵԽԽՎ բանաձևը, դրանից իրականությունը չի փոխվում: Ժողովրդավարությունից բռնապետություն մեկ քայլ է, իսկ մեր երկիրը հաստատակամորեն բռնել է այդ ճանապարհը:

Էլինար Վարդանյան

«Հայաստան» խմբակցության պատգամավոր