|
Փոխարժեքներ
16 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
Թուրքիայի ներքին գործերի նախարարությունը նյութատեխնիկական օգնություն կուղարկի ուկրաինացի գործընկերներին՝ գերատեսչության կարողությունները ուժեղացնելու համար։ Այս մասին ուրբաթ Թուրքիայի ներքին գործերի նախարար Սուլեյման Սոյլուն ասել է իր ուկրաինացի գործընկեր Դենիս Մոնաստիրսկիի հետ հեռախոսազրույցում. հայտնում է Ուկրաինայի ՆԳՆ-ն իր պաշտոնական կայքում։
«Թուրք գործընկերը ևս մեկ անգամ հավաստիացրել է պաշտոնական Անկարայի շարունակական աջակցությունն Ուկրաինայի ինքնիշխանության և տարածքային ամբողջականությանը, նրա սահմանների անձեռնմխելիությունը։ Նա նաև հայտարարել է Թուրքիայի ՆԳՆ-ի մտադրության մասին՝ մոտ ապագայում նյութատեխնիկական օգնություն ուղարկել Ուկրաինայի ՆԳՆ համակարգի ծառայությունների հնարավորություններն ուժեղացնելու համար», - ասվում է հայտարարության մեջ։
Կողմերը, ի թիվս այլ հարցերի, քննարկել են երկու պետությունների ազգային շահերի պաշտպանության, տարածաշրջանային անվտանգության ամրապնդման, անդրազգային հանցագործության և ահաբեկչության դեմ պայքարի, ինչպես նաև Ուկրաինայի պետական սահմանապահ ծառայության և Թուրքիայի առափնյա պահպանության միջև համագործակցության դինամիկան և ամրապնդումը, Ուկրաինայի ազգային գվարդիայի փոխգործակցությունը թուրքական ժանդարմերիայի հետ։