|
Փոխարժեքներ
16 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
Ուկրաինայի նախագահ Վլադիմիր Զելենսկին իր Twitter-ում շնորհակալություն է հայտնել Ադրբեջանի նախագահ Իլհամ Ալիևին, հայտնում են ադրբեջանական լրատվամիջոցները։
«Ես ողջունում եմ Ուկրաինայի կարիքների համար էլեկտրաէներգետիկ սարքավորումների ձեռքբերման համար օգնություն տրամադրելու որոշումը։ Բարեկամ Ադրբեջանի այս աջակցությունը կարևոր է մշտական հարձակումների պայմաններում Ուկրաինայի էներգետիկ համալիրի կայունությունն ապահովելու համար։ Մենք շարունակում ենք ակտիվորեն աշխատել մեր գործընկերների հետ՝ էներգետիկ համակարգը ձմռանը նախապատրաստելու համար»,- ասել է Զելենսկին։
Ադրբեջանի նախագահի հրամանագրով նախօրեին Ուկրաինային օգնության համար 7,6 մլն դոլար է հատկացվել։ Նշենք, որ Ադրբեջանն արդեն մի քանի անգամ մեծ գումարներ է հատկացրել Ուկրաինային օգնելու համար՝ դա պատճառաբանելով որպես «մարդասիրական օգնության տրամադրում»։