Թուրքիան ցանկանում է Հայաստանի հետ բանակցել Երևանում կամ Անկարայում, այլ ոչ թե երրորդ երկրում

Անկարայի և Երևանի միջև հարաբերությունների վերականգնման շուրջ բանակցությունները պետք է ընթանան երկրներից մեկի տարածքում. կարծում են թուրքական իշխանությունները։ Այս մասին հայտնել է թուրքական Daily Sabah-ի դիվանագիտական աղբյուրը։

Աղբյուրները նշում են, որ Մոսկվայում առաջին փուլից հետո Թուրքիան նախընտրել է բանակցություններն անցկացնել Երևանում կամ Անկարայում:

Հիշեցնենք, որ հունվարի 14-ին Մոսկվայում տեղի է ունեցել Թուրքիայի և Հայաստանի հատուկ ներկայացուցիչներ Սերդար Քըլըչի և Ռուբեն Ռուբինյանի առաջին հանդիպումը, Ռուսաստանի փոխարտգործնախարար Անդրեյ Ռուդենկոյի միջնորդությամբ, հարաբերությունների կարգավորման նպատակով։ Նաև առաջիկա օրերին` փետրվարի 2-ին, կբացվի Երևան-Ստամբուլ օդային հաղորդակցությունը: