Բրիտանիան սկսել է հակատանկային զենք մատակարարել Ուկրաինային

Մեծ Բրիտանիան սկսել է հակատանկային զենք մատակարարել Ուկրաինային` «Ռուսաստանի հետ առճակատման ժամանակ հնարավոր ներխուժումից» պաշտպանվելու գործում օգնելու համար, հաղորդում է Reuters-ը:

«Մենք որոշում ենք կայացրել թեթեւ հակատանկային պաշտպանական սպառազինության համակարգեր մատակարարել Ուկրաինային»,- ասել է Մեծ Բրիտանիայի պաշտպանության նախարար Բեն Ուոլեսը խորհրդարանին՝ ասելով, որ առաջին համակարգերն արդեն մատակարարվել են, եւ բրիտանական անձնակազմի մի փոքր մասն ուսուցում կանցկացնի: Նա չի նշել ոչ ուղարկված զենքի քանակը, ոչ տեսակը։

«Դա ռազմավարական զենք չէ եւ վտանգ չի ներկայացնում Ռուսաստանի համար։ Նախատեսված է ինքնապաշտպանության համար։ Դրանք կարճ հեռահարության են... բայց, այնուամենայնիվ, դա մարդկանց կստիպի մտածել, թե ինչ են իրենք անում, եւ եթե տանկերը ներխուժեին Ուկրաինա, ներխուժեին այնտեղ, ապա դրանք պաշտպանական մեխանիզմի մաս կլինեին։

Ուոլեսը հայտարարել է, որ Ռուսաստանի պաշտպանության նախարար Սերգեյ Շոյգուին հրավիրել է առաջիկա մի քանի շաբաթների ընթացքում այցելել Լոնդոն: «Ներկայիս խզումը մեծ է, բայց` ոչ անհաղթահարելի»,- ասել է Ուոլեսը՝ հույս հայտնելով, որ դիվանագիտությունը կհաղթի եւ հավելելով. «Սա նախագահ (Վլադիմիր) Պուտինի ընտրությունն է»։