Նախագիծը ֆինանսական դժվարություններ է ստեղծում․ «Հայաստան» խմբակցությունը դեմ է․ Խաչատրյան

Նախագծին դեմ ենք, քանի որ այն ստեղծում է ֆինանսական դժվարություններ: Այս մասին Ֆինանսավարկային և բյուջետային հարցերի մշտական հանձնաժողովի նիստում ասաց «Հայաստան» խմբակցության պատգամավոր Արթուր Խաչատրյանը։

Նշենք, որ հանձնաժողովում քննարկվում էր կառավարության հեղինակած «Անկանխիկ գործառնությունների մասին» օրենքի նախագիծը:

«Եթե պարտքով գումարը փոխանցվում է քաղաքացուն, և նա ստիպված այն կանխիկացնում է այլ բանկոմատից, ապա գումար է մուծելու տվյալ բանկին: Ես հասկանում եմ, որ որոշ գործարքների մասով օրենքի նպատակը ստվերի կրճատումն է, բայց, օրինակ, եղբորից եղբորը բանկի միջոցով փոխառություն տրամադրելու տրամաբանությունն ես ընդհանրապես չեմ հասկանում, հատկապես, որ դժվար է հիմնավորել՝ դա փոխառություն է, թե՝ նվեր»,- ասաց Խաչատրյանը։

Մանրամասն՝ տեսանյութում։