Անչափահասների արդարադատության խորհրդի տարեվերջյան ամփոփիչ նիստին վերապատրաստված 25 հոգեբանների հանձնվեցին հավաստագրեր

Արդարադատության նախարարի տեղակալներ Քրիստիննե Գրիգորյանի և Արմեն Հովհաննիսյանի մասնակցությամբ դեկտեմբերի 21-ին տեղի է ունեցել Անչափահասների արդարադատության խորհրդի 2021 թվականի ամփոփիչ նիստը, որը կազմակերպվել էր Հայաստանում ՅՈՒՆԻՍԵՖ-ի հետ իրականացվող «Բռնության կանխարգելման միջոլորտային ինստիտուցիոնալ ենթակառուցվածքների զարգացում՝ հիմնված երեխայազգայուն և գենդերային զգայուն մոտեցումների վրա» ծրագրի շրջանակում:

Նախարարությունից հայտնում են, որ նախարարի առաջին տեղակալ Քրիստինե Գրիգորյանն, իր խոսքում կարևորելով Խորհրդի գործունեությունը, շնորհավորել է Խորհրդի անդամներին «Անչափահասի, անգործունակի կամ հոգեկան առողջության խնդիր ունեցող անձի, ընտանեկան բռնության գործերով քննչական գործողության կատարմանը ներգրավվող հոգեբանների վերապատրաստում» դասընթացի հաջող իրագործման կապակցությամբ՝ նշելով այն որպես առաջընթաց և ընդգծելով, որ Անչափահասների արդարադատության խորհրդի հետագա գործողությունները ևս պետք է լինեն նպատակային և արդյունավետ:

ՄԱԿ-ի Բնակչության հիմնադրամի հայաստանյան գրասենյակի  ղեկավար Ծովինար Հարությունյանն իր հերթին շնորհավորել է հոգեբանների վերապատրաստման կապակցությամբ և նշել, որ սա ՄԱԿ-ի Բնակչության հիմնադրամի հայաստանյան գրասենյակի և Անչափահասների արդարադատության խորհրդի համագործակցության սկիզբն է:

Հաջորդիվ,  Արդարատության նախարարության քրեական օրենսդրության, քրեակատարողական և պրոբացիայի ոլորտի քաղաքականության մշակման  վարչության պետ Արփինե Սարգսյանը Խորհրդի անդամաներին ներկայացրել է Վերջ երեխաների նկատմամբ բռնության (End Violence Against Children the Global Parntnership) միջազգային ցանցին Հայաստանի՝ որպես ուղենիշ երկրի ներկայացվելիք հայտարարարության  հիմնական կետերը:

Նիստի ընթացքում ելույթներ են ունեցել նաև Արդարադատության նախարարի տեղակալ Արմեն Հովհաննիսյանը, ՀՀ ԱՆ «Իրավական կրթության և վերականգնողական ծրագրերի իրականացման կենտրոն» ՊՈԱԿ–ի տնօրեն Արտակ Ղուլյանը, ՀՀ-ում  Մարդու իրավունքների պաշտպանի աշխատակազմի Երեխայի իրավունքների  պաշտպանույան բաժնի պետ Իվետա Շահբազյանը:

Հանդիպման ավարտին «Անչափահասի, անգործունակի կամ հոգեկան առողջության խնդիր ունեցող անձի, ընտանեկան բռնության գործերով քննչական գործողության կատարմանը ներգրավվող հոգեբանների վերապատրաստում» դասընթացի  մասնակիցներին հանձնվել են հավաստագրեր: