Թշնամին, որն ամեն օր պատրաստ է մորթել ձեզ, նրա հետ ի՞նչ բարիդրացիական հարաբերություններ․ Մինասյան

Այդ հարցերը պետք է ուղղվեն այն մարդկանց, ովքեր այսօր իշխանություն են․ ԱԺ-ում լրագրողների հետ զրույցում ասաց «Հայաստան» խմբակցության քարտուղար Արծվիկ Մինասյանը՝ անդրադառնալով հայ-թուրքական հարաբերությունների վերաբերյալ թուրքական կողմի հայտարարությանը։

«Մեր պատմությունը ցույց է տվել, որ երբ այս մարդիկ արհամարհում են ժողովրդի, ազգի ցակնությունն ու նպատակը, բերում են ազգին կործանման եզրին։ Շատ ակնհայտ է, չէ՞, որ Թուրքիան ու Ադրբեջանն այսօր թուլացած Հայաստանից և իրենց շահերը սպասարկող իշխանություններից ցանկանում են պոկել ամեն ինչ։ Այս վտանգավոր միտումը տանելու է, ի վերջո, մեր պետականության վերջնական կործանմանը։ Այս մարդիկ կա՛մ չեն գիտակցում, կա՛մ հատուկ են անում, որպեսզի մենք անընդհատ հայտնվենք թուրք-ադրբեջանական ճիրաններում»,- ասաց պատգամավորը։