Արյունալի բախում Ուկրաինայում ադրբեջանցիների միջև

Դեկտեմբերի 5-ի երեկոյան Ուկրաինայի Կրիվոյ Ռոգ քաղաքում դանակահարություն և կրակոցներ են տեղի ունեցել այնտեղ բնակվող ադրբեջանցիների միջև. հաղորդում է svoi.kr.ua-ն:

Կոնֆլիկտի մասնակիցներից մեկին դանակահարված և կտրած-ծակած ծանր վերքով հիվանդանոց են տեղափոխել, իսկ մյուսին մահացած են գտել փողոցում՝ Կենտրոնական քաղաքային թաղամասում։ 

«Սպանվածն ադրբեջանցի է, ով ընկերոջ հետ ժամանել է Կրիվոյ Ռոգ, ամենայն հավանականությամբ, դեկտեմբերի 5-ի առավոտյան Կիևից։ Կրակոցների երկրորդ մասնակիցը, ով դանակահարվել է մեջքից, Ադրբեջանի քաղաքացի է։ Ավելի վաղ նա ուղարկվել էր քննչական մեկուսարան՝ Մետալուրգիչեսկի շրջանի ոսկերչական խանութի աղմկահարույց կողոպուտի համար, սակայն շուտով խափանման միջոցը փոխվել էր տնային կալանքի։ 2019 թվականի հունվարին ևս երեք զինված դիմակավորված անձանց հետ թալանել է Սոցգորոդի «Ոսկե դարը»։ Այնուհետ խումբը ձերբակալվել է Խարկովում, նրանց հետ մեկուկես կիլոգրամ ոսկի է եղել»,- ասվում է Ուկրաինայի իրավապահ մարմինների հաղորդագրության մեջ։