Ադրբեջանցիների արյունալի բախումը՝ Մոսկվայում

Մոսկվայում բիզնես շահերի համար հերթական բախումն է տեղի ունեցել, որի  արդյունքում սպանվել է ազգությամբ ադրբեջանցի Շահվերդիևը և ծանր վիրավորվել մեկ այլ ադրբեջանցի՝ Ռամին Միրզոևը. հայտնում է haqqin.az-ը:

Ըստ Մոսկվայի իրավապահների՝ ոստիկանությունը տեղեկություն է ստացվել այն մասին, որ Բելովեժսկայա փողոցում սպանություն է տեղի ունեցել։ Սպանվածը եղել է 27-ամյա ադրբեջանցի Շահվերդիևը, նա մահացել է դանակի բազմաթիվ վնասվածքներից։ Ավելի ուշ հաղորդագրություն է ստացվել, որ հրազենային վիրավորում է ստացել մեկ այլ ադրբեջանցի Ռամին Միրզոևը, ով հոսպիտալացվել է Մոսկվայի կլինիկաներից մեկը։

Պարզվել է, որ Շահվերդիևի սպանությունն իրականացրել է Միրզոևը։ Նրանց միջև վեճ է ծագել, որի ընթացքում Շահվերդիևը կրակել է Միրզոևի վրա , իսկ վերջինս դանակի մի քանի հարված է հասցրել իր հակառակորդին: