Փոխարժեքներ
04 04 2025
|
||
---|---|---|
USD | ⚊ | $ 391.32 |
EUR | ⚊ | € 432.53 |
RUB | ⚊ | ₽ 4.6652 |
GBP | ⚊ | £ 514.27 |
GEL | ⚊ | ₾ 141.78 |
Արամ Ա. Վեհափառ Հայրապետին այցելեց Լիբանանի մօտ Իտալիոյ դեսպանուհին դոկտ. Նիգոլեթա Պոմպարտիէր:
Հանդիպումը առիթ հանդիսացաւ առաջին հերթին անդրադարձ կատարելու Յուլիսին Վատիկանի մէջ տեղի ունեցած Լիբանանի քրիստոնեայ հոգեւոր պետերու հանդիպումին եւ ապա Լիբանանի դիմագրաւած մարտահրաւէրներուն: Դեսպանուհին պարզեց Իտալիոյ կատարած աշխատանքները թէ՛ Լիբանանին գծով եւ թէ՛ Լիբանանէն ներս:
Նորին Սրբութիւնը իր գնահատանքը յայտնեց Իտալիոյ օժանդակութեան լիբանանեան բանակին, ինչպէս նաեւ բարեսիրական ու առողջապահական ծրագիրներուն: Այս ծիրէն ներս ողջունելով Պուրճ Համուտին առնչուած ծրագիրներուն օգտակար ըլլալու Իտալիոյ յանձնառութիւնը, Վեհափառ Հայրապետը շեշտեց նման նախաձեռնութեան յոյժ կարեւորութիւնը՝ յիշեցնելով, որ այս հանգրուանին ժողովուրդին ընկերային-տնտեսական կարիքներուն օգտակար ըլլալը առաջնահերթութիւն կը կազմէ Լիբանանի համար:
Դեսպանուհին փափաք յայտնեց Նորին Սրբութեան հետ խորհրդակցութիւնները շարունակելու: