Այդ ճանապարհը լիարժեք այլընտրանք չէ Գորիս-Կապան ավտոճանապարհին․ Աննա Գրիգորյան

Ես ուղիղ երկու ամիս է՝ բարձրաձայնում եմ, որ Ադրբեջանը Սյունիքում շինարարական աշխատանքներ է իրականացնում, ի վերջո, ի՞նչ են կառուցում, և դրան ի պատասխան ասում են՝ մոտավոր պատկերացնում են ինչ կլինի․ լավ էլ  պատկերացնում էին, որ մաքսակետ է կառուցվում, և այլընտրանքային ճանապարհի կառուցման  ավարտից հետո այս ճանապարհը կհանձնեն։ Այստեղ երկրորդ կարծիք լինել չի կարող։ Այս մասին ԱԺ հանձնաժողովում Գորիս-Կապան ճանապարհի վերաբերյալ հրատապ քննարկման ժամանակ ասաց «Հայաստան» խմբակցության պատգամավոր Աննա Գրիգորյանը։

«Այդ ճանապարհը լիարժեք այլընտրանք Գորիս-Կապան ավտոճանապարհին չի հանդիսանում»,- հայտարարեց սյունեցի պատգամավորը։ 

Պատգամավորը նաև նշեց, որ մեկ տարի առաջ է եղել ճանապարհներ հանձնելու պայմանավորվածությունը, սակայն, այդ պայմանավորվածություններին զուգահեռ, իշխանությունները այլընտրանքային ճանապարհները նոր են կառուցում։

«Իսկ այս իրավիճակում Գորիսի ընտրված համայնքապետ Առուշ Առուշանյանը կալանավորված է, և նրա ներկայությունը խիստ էական է, այսօր փոխհամայանքապետ Մենուա Հովսեփյանին էլ ուզում են տանել կալանքի։ Այսպիսի իրականություն ենք ապրում, երբ պետական դավաճանություն է տեղի ունենում մեր աչքի առաջ»,- ասաց պատգամավորը։ 

Մանրամասն՝ տեսանյութում։