Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 3 տարի առաջ - 2021-11-02 21:17
Հասարակություն

Դեկտեմբերի 5-ին տալու ենք հայրենաշեն ծրագրերի մեկնարկը. Արտաշատի ղեկավարի դաշնակցական թեկնածու

Դեկտեմբերի 5-ին տալու ենք հայրենաշեն ծրագրերի մեկնարկը. Արտաշատի ղեկավարի դաշնակցական թեկնածու

ՀՅԴ Արտաշատի կոմիտեության անդամ Մանվել Հայրապետյանը տեղեկացնում է, որ 2021 թ. դեկտեմբերի 5-ին անցկացվելիք՝ Արտաշատ խոշորացված համայնքի ավագանու ընտրություններում գլխավորելու է Հայ Յեղափոխական Դաշնակցության ցուցակը։ Ստորև ներկայացնում ենք նրա հայտարարությունը.

Սիրելի՛ արտաշատցիներ
 
Ես՝ Մանվել Գեղամի Հայրապետյանս, 2021 թվականի դեկտեմբերի 5-ին կայանալիք Արտաշատ խոշորացված համայնքի ավագանու ընտրություններում գլխավորելու եմ Հայ Յեղափոխական Դաշնակցության ցուցակը։
 
Արտաշատ խոշորացված համայնքը՝ քաղաքով ու շրջանի գյուղերով, մեր սիրելի բնօրրանն է, որի առաջ պատասխանատու ենք բոլոր արտաշատցիներս։ Մեր թիմն ունակ է լուծել մեր համայնքի առջև ծառացած խնդիրները, քանի որ նրանում ներառված անձինք ներկայացնում են հասարակական կյանքի գրեթե բոլոր ոլորտները` առողջապահությունից մինչև կրթություն, գյուղատնտեսությունից մինչև ֆինանսական, տեղական ինքնակառավարման ոլորտներ:
 
Կառավարության վերջին ռեֆորմները և համայնքների խոշորացման փաստն իրենց հետ բերել են բազմապիսի դժվարություններ, որոնց հաղթահարումը պահանջում է ինչպես նվիրում, այնպես էլ մասնագիտական համակողմանի մոտեցումներ:
 
ՀՅԴ համամասնական ցանկի յուրաքանչյուր թեկնածուի անցած ուղին, բարոյական բարձր նկարագիրը, մասնագիտական փորձառությունը, հայրենի քաղաքի ու գյուղի հանդեպ ունեցած մեծ սերն ու պատասխանատվության գիտակցումը լիովին բավարար են, որ մենք պարզճակատ ներկայանանք յուրաքանչյուր արտաշատցու և ստանանք վերջինիս վստահության քվեն:
 
Եվ ուրեմն՝ դեկտեմբերի 5-ին միասին տալու ենք մեր հայրենաշեն ծրագրերի, ստեղծարար գաղափարների ու մտքերի իրականացման մեկնարկը՝ հավատով, որ վաղվա օրը մերն է լինելու:
 
Մանվել Հայրապետյան

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը