Ռուսաստանը կոչ է անում հավատարիմ մնալ Հարավային Կովկասի բոլոր տրանսպորտային կապերի ապաշրջափակմանը նպաստող հայտարարություններին. Զախարովա

Մենք կարծում ենք, որ Անդրկովկասում տրանսպորտային հաղորդակցությունների ապաշրջափակման հարցի մշակման ամենաօպտիմալ ձևը եռակողմ աշխատանքային խումբն է, որը ստեղծվել է այս տարվա հունվարի 11-ին Մոսկվայի գագաթնաժողովից հետո: Այս մեխանիզմի ութ հանդիպում արդեն կայացել է, և բոլոր կողմերը բարձր են գնահատում դրա գործունեությունը։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ ամենշաբաթյա ճեպազրույցի ժամանակ պատասխանելով, այսպես կոչված, «Զանգեզուրի միջանցքի» մասին հարցին։

«Մենք ճիշտ ենք համարում հավատարիմ մնալ այն հայտարարություններին և քայլերին, որոնք նպաստում են Հարավային Կովկասում բոլոր տնտեսական և տրանսպորտային կապերի ապաշրջափակման վերաբերյալ եռակողմ համաձայնագրերի իրականացմանը»,- ընդգծել է նա։