Թուրքիան ռազմական շարասյուն է ուղարկել սիրիական Իդլիբ

Թուրքիան 31 մեքենաներից բաղկացած ռազմական շարասյուն է ուղարկել Սիրիայի հյուսիս-արևմուտք՝ Իդլիբում գտնվող իր ռազմական հենակետերը․ հայտնում են տեղական աղբյուրները։

Ավտոշարասյունը ներառում է նյութատեխնիկական և ռազմական մատակարարումներ և Սիրիա է մտել Թուրքիայի ու Սիրիայի միջև գտնվող Քաֆր Լուսին անցակետով. հայտնում է SANA-ն։

«Թուրքական ուժերը փոխադրել են տրանսպորտային միջոցների երկու խմբաքանակ, այդ թվում՝ 31 բեռնատար և ռազմական մեքենա՝ բեռնված նյութատեխնիկական միջոցներով, զինամթերքով, զենքով և ցեմենտի բլոկներով։ Թուրքական մի շարք մեքենաներ լի են եղել որակյալ զինատեսակներով, այդ թվում՝ ՆԱՏՕ-ի կողմից արտադրված ջերմային հակատանկային կայանքներով և տարբեր զենիթային համակարգերով»,- ասել են աղբյուրները։