Բեյրութում ցուցարարների ուղղությամբ կրակոցներ արձակելու հետևանքով 2 մարդ է զոհվել, կան վիրավորներ

Լիբանանյան LBC հեռուստաալիքը հայտնում է մեկ զոհի և ութ վիրավորի մասին Բեյրութի Թայունի շրջանում ցուցարարների ուղղությամբ կրակոցների հետևանքով:

«Մեկ մարդ զոհվել է, ութը ՝ վիրավորվել Թայունի շրջանում տեղի ունեցած կրակոցների հետեւանքով», - հաղորդում է հեռուստաալիքը:

Ըստ թարմացված տվյալների, որոնք ներկայացնում է Al-Jadeed հեռուստաալիք, զոհերի թիվը 2-ն է, 12 վիրավոր էլ տեղափոխվել է Բեյրութի Սահել շրջանի հիվանդանոց։

Բանակը փորձում է բացահայտել և վերացնել կրակողներին:

Հինգշաբթի առավոտյան շիա կուսակցությունների կողմնակիցները հավաքվել են Թայունում՝ մասնակցելու զանգվածային ցույցին՝ պահանջելով հեռացնել Բեյրութի նավահանգստի 2020 թվականի պայթյունի գործով գլխավոր դատավոր Թարեք Բիթարին:

«Բանակը շրջափակել է տարածքը, ցրվել թաղամասերով և կանգնել դրանց մուտքերի մոտ: Սկսվել է պարեկությունը,  նաև որոնվում են հրաձիգները՝ բերման ենթարկելու համար»,- ասվում է բանակի թվիթերյան էջում: