Առուշանյանը հեղինակություն եւ հարգանք է վայելում, հույս ունեմ՝ ընտրություններում կհաղթի․ Աննա Գրիգորյան

Գորիսի գործող համայնքապետ Առուշ Առուշանյանը կմասնակցի հոկտեմբերի 17-ին կայանալիք ՏԻՄ ընտրություններին․ Yerkir.am-ի հետ զրույցում ասաց ԱԺ «Հայաստան» խմբակցության անդամ Աննա Գրիգորյանը։

«Առաջիկայում կայանալիք ընտրություններին «Հայաստան» դաշինքը չի մասնակցում։ Գորիս համայնքում ունենք այլ ձեւաչափով մասնակցություն։ «Վերածնվող Հայաստան» կուսակցությունը, որի անդամն է նաեւ Առուշ Առուշանյանը, այս պահին համագործակցում է «Ազգային օրակարգ» կուսակցության հետ․ ստեղծվում է «Առուշ Առուշանյան» դաշինքը։ Հաշվի առնելով այն, թե ինչպիսի աշխատանք է իրականացրել իր համայնքում, թե ինչպիսի մեծ հեղինակություն եւ հարգանք է վայելում նա Գորիսում, ես հույս եմ հայտնում, որ կկարողանա հաղթել՝ անկախ այն հանգամանքից, որ շարունակում է գտնվել կալանքի տակ»,- ասաց Գրիգորյանը։

Կապան համայնքում «Հայաստան» դաշինքը դեռեւս չունի ընտրություններին մասնակցելու վերջնական որոշում։ «Այս առնչությամբ լրացուցիչ հանդես կգանք՝ ըստ անհրաժեշտության»,- նշեց պատգամավորը։

Լ․Ս․