Ռուսաստանն ակնկալում է պայմաններ ստեղծել հայ-ադրբեջանական հարաբերությունների կարգավորման համար. Զախարովա

Ռուսաստանն ուշադիր հետևում է Երևանի և Բաքվի միջև խաղաղ պայմանագրի ստորագրման շուրջ քննարկումներին. հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

«Մենք ուշադիր հետևում ենք Հայաստանում և Ադրբեջանում քննարկումներին երկու երկրների միջև խաղաղ պայմանագրի կնքման, Լեռնային Ղարաբաղի կարգավիճակի խնդրի լուծման վերաբերյալ: Ցավոք, քաղաքական հարցերի վերաբերյալ հիմնարար տարաձայնությունները դեռ պահպանվում են: Ահա, թե ինչու այս փուլում Մոսկվան կարևոր է համարում խստորեն պահպանել 2020 թվականի նոյեմբերի 9-ի և 2021 թվականի հունվարի 11-ի եռակողմ համաձայնագրերի բոլոր դրույթների կատարումը: Խոսքը հրադադարի ռեժիմի պահպանման, հումանիտար հարցերի լուծման, հաղորդակցության ապաշրջափակման մասին: Կարելի է ակնկալել, որ նման քայլերը պայմաններ կստեղծեն հայ-ադրբեջանական հարաբերությունների կարգավորման և վերջնական քաղաքական կարգավորման հասնելու համար», - նշել է Զախարովան: