Էրեբունի վարչական շրջանի ղեկավարն ազատման դիմում է ներկայացրել

Էրեբունի վարչական շրջանի ղեկավար Արման Աբրահամյանը պաշտոնից հեռանալու մասին տեղեկացրել է ֆեյսբուքյան իր էջում։ 

«Սիրելի՛  էրեբունցիներ,  մոտ երեք տարի առաջ   մենք միասին  սկսեցինք աշխատել, պլաններ կազմել ու կյանքի կոչել  տարբեր ծրագրեր ու վստահ եմ ՝ այսուհետ նույնպես  այդ բարի ավանդույթներն ու  լավ  նախաձեռնությունները շարունակական են լինելու՝  ի  նպաստ Էրեբունու բարօրության։  

Ինձ մնում է միայն շնորհակալություն հայտնել իմ  բնակիչներին, աշխատակազմին, մեր հավատարիմ գործընկերներին։

Սիրելի՛ էրեբունցիներ, դիմում եմ ներկայացրել դադարեցնելու իմ լիազորությունները՝  որպես վարչական շրջանի ղեկավար։

Ցանկությունս մեկն է՝   խաղաղություն մեր երկրին»,- գրել է նա: