Թուրքիան Իրանի հետ սահմանին 295 կիլոմետրանոց պատ է կառուցում

Թուրքիայի իշխանությունները արագացրել են Իրանի հետ սահմանին պատի շինարարությունը՝ կանխատեսելով Աֆղանստանից փախստականների հոսք, որոնք երկիրը լքում են «Թալիբան» շարժման ավելի ու ավելի տարածվող ուժի պատճառով:

«63 կիլոմետր երկարությամբ պատը ստիպված կլինի զսպել ոչ միայն Աֆղանստանից փախստականների աճող հոսքը, այլև պաշտպանել քուրդ զինյալների արշավանքներից»,– նշում են թուրքերը:

Շինարարությունը սկսվել է մայիսի 10-ին, աշխատանքները շարունակվում են անդադար: Պատի բարձրությունը 3 մետր է, լայնությունը` 2,8 մետր: Բացի ցանկապատից, աշխատողները տեղադրում են դիտակետեր, էլեկտրոնային հսկողության համակարգեր և լուսարձակներ: Պատի երկայնքով պարեկային ճանապարհ է կառուցվում:

Վանի նահանգում Իրանի հետ Թուրքիայի սահմանի ընդհանուր երկարությունը 295 կիլոմետր է:

Շինարարական աշխատանքներին հետևելու համար այնտեղ գնացած Վանի նահանգապետ Մեհմեթ Էմին Բիլմեզը հայտնել է, որ պատ կկառուցվի թուրք–իրանական 295 կիլոմետրանոց սահմանի ամբողջ երկայնքով։