Ինձ չշփոթեք Էրդողանի հետ. Թուրքիայի ընդդիմության առաջնորդը քննադատել է Էրդողանին՝ Աֆղանստանում զորք տեղակայելու համար

Թուրքիայի գլխավոր ընդդիմադիր Հանրապետական-ժողովրդական կուսակցության (CHP) առաջնորդ Քեմալ Քըլըչդարօղլուն քննադատել է Թուրքիայի իշխանությունների որոշումը՝ Աֆղանստան զորքեր ուղարկելու և  Աֆղանստանի մայրաքաղաքում գտնվող Քաբուլի օդանավակայանը վերահսկելու համար: Այս մասին նա գրել է Twitter-ում:

«Ես աշխարհին կոչ եմ անում չշփոթել ինձ Էրդողանի հետ: Ես ծագում եմ «Ազգային ուժերից» (Kuva-yi Milliye - հիմնադրել է Մուստաֆա Քեմալ Աթաթուրքը): Ոչ ոք չի կարող իմ զինվորին պահակ դարձնել, իսկ իմ երկիրը՝ բաց բանտ փախստականների համար: Նախապես կասեմ, որ ձեզ շատ դժվար բանակցություններ են սպասվում»,– ասել է Քըլըչդարօղլուն: