Սյունիքը շարունակում են գլխատել. բերման են ենթարկել ԶՊՄԿ-ի անվտանգության դեպարտամենտի ղեկավար Արամ Գասպարյանին

Քիչ առաջ բերման են ենթարկել Զանգեզուրի պղնձամոլիբդենային կոմբինատի անվտանգության դեպարտամենտի ղեկավար, ԱԱԾ փոխգնդապետ Արամ Գասպարյանին. հայտնում է Yerkir.am-ը:

Գասպարյանը մասնակցել է Արցախյան առաջին պատերազմին, պարանոցի հատվածում ստացել հրազենային վիրավորում: Մասնակցել է նաև Ապրիլյան և 44-օրյա պատերազմներին։

Նա 20 տարի ծառայել է Ազգային անվտանգության ծառայությունում, կանգնած է եղել հայկական «Ալֆա» ջոկատի կազմավորման ակունքներում։

Պարգևատրվել է «Մարտական ծառայության» մեդալով, ՀՀ ԱԱԾ և ոստիկանության բազմաթիվ պատվոգրերով, ԱԱԾ հոբելյանական մեդալով:

Թոշակի անցնելուց հետո աշխատում է ԶՊՄԿ-ում՝ որպես անվտնագության դեպարտամենտի ղեկավար։