Փախեք, որովհետև հետո իրավունքի ուժ թողած չեք լինելու, որ ձեզ՝ նվաստներիդ պաշտպանող ինստիտուտ լինի. Արտակ Զաքարյան

Պաշտպանության նախկին փոխնախարար, ՀՀԿ անդամ Արտակ Զաքարյանը գրում է.

«Առայժմ դա իրականացվում է անհայտ ծագման ու կասկածելի շահերով առաջնորդվող, ադրբեջանական նավթամուղի պաշտպան ոմն մեկի խմբակի կողմից։

Լավ եք անում, վաճառեք Հայաստանն ու Արցախը, ամբողջությամբ դրեք թրքա-օտարականների ոտքերի տակ։ Երկիրը դարձրեք միջազգային փալաս՝ ձեր տեսակին հարիր, իսկ հետո փախեք երկրից։ Փախեք, որովհետև հետո իրավունքի ուժ թողած չեք լինելու, որ ձեզ՝ նվաստներիդ պաշտպանող ինստիտուտ լինի։

Հարցը ընտրությունների վիճարկվող արդյունքները չեն։ Հարցն այն է, որ Սահմանադրական դատարանի կամ նրա որևէ դատավորի վրա ցանկացած տիպի ճնշում գործադրելը, կամ սպառնալիք հնչեցնելը, երկիրը ներսից թունավորելու, սահմանադրությունը ոտնահարելու, ՍԴ դիմելու իրավունք ունեցող սուբյեկտների իրավունքների վրա բռնանալու հերթական ակտն է։

Եթե որևէ մեկը, որևէ ժողովրդավար երկրում, բարձր դատարանի դեմ սպառնալիքներ հնչեցներ, պատկան մարմիններն անմիջապես կզբաղվեին նրանով։

Կապիտլյանտական լկտիությունը սահմաններ չի ճանաչում։