ՏԵՍԱՆՅՈՒԹ․ «Համերաշխությունը» սատարում է «Հայաստան» դաշինքին․ Սարգիս Ավետիսյանը հայտարարություն հրապարակեց

Հունիսի 20-ի ընտրություններում «Համերաշխություն» կուսակցությունը սատարելու է «Հայաստան» դաշինքին՝ ի դեմս ՀՀ երկրորդ նախագահ Ռոբերտ Քոչարյանի՝ ըստ Yerkir.am-ի այս մասին հայտարարություն հրապարակեց կուսակցության նախագահ Սարգիս Ավետիսյանը։

Նա նշեց, որ այս որոշմանը հանգել են բազմաթիվ հանդիպումների արդյունքում՝ խնդիրը քննարկելով համակիրների և հասարակության տարբեր շերտերի հետ։

«Մենք հունիսի 20-ին կազատվենք այս իշխանությունից և կունենանք իրական հաղթանակ»,-ասաց Սարգիս Ավետիսյանը։

Նա նշեց, որ իրենց կուսակցական կառույցները և ակտիվիստները առաջիկայում կանցնեն շատ ակտիվ գործողությունների՝ մայրաքաղաքում և մարզերում։

Հայտարարությունում ասվում էր, որ իրենք սատարում են «Հայաստան» դաշինքին, քանի որ վտանգված է մեր սերունդների ապագան, մեր հայրենիքի լինելիությունը և այս իրավիճակից դուրս գալու ճանապարհը այդ դաշինքին միանալն է՝ ԱԺ-ում որակյալ մեծամասնություն ձևավորելու ակնկալիքով։

Նրանք կոչ արեցին իրենց բոլոր անդամներին և համակիրներին ընտրություններում ձայնը տալ «Հայաստան» դաշինքին։

Մանրաամասն՝ տեսանյութում․