Էրդողանը Թուրքիայում «Ֆորմուլա-1»-ի փուլի և Չեմպիոնների լիգայի եզրափակիչի չեղարկումը համարում է քաղաքական որոշում

Թուրքիայի նախագահ Ռեջեփ Թայիփ Էրդողանը չորեքշաբթի հայտարարել է, որ քաղաքական որոշում է համարում  Ստամբուլում անցկացվելիք «Ֆորմուլա-1»-ի աշխարհի առաջնության Գրան պրիի և Չեմպիոնների լիգայի՝ «Մանչեսթեր Սիթի» ու «Չելսի» եզրափակիչ ֆուտբոլային հանդիպումը չեղյարկելը :

«Ես հավատում եմ, որ քաղաքական որոշումներ են կայացվել ինչպես ՈՒԵՖԱ-ում, այնպես էլ «Ֆորմուլա-1»-ում»,- ասել է Թուրքիայի նախագահը TRT հեռուստաալիքով հեռարձակված հանդիպման ժամանակ:

Միևնույն ժամանակ, Էրդողանը հաստատել է, որ Եվրոպական ֆուտբոլային ասոցիացիաների միությունը (ՈՒԵՖԱ) «խոստացել է 2023 թվականին Չեմպիոնների լիգայի եզրափակիչն անցկացնել Թուրքիայում»:

Նշենք, որ այս մրցափուլերը չեղարկվել են Թուրքիայում կորոնավիրուսային համաճարակի պատճառով։