Փոխարժեքներ
03 04 2025
|
||
---|---|---|
USD | ⚊ | $ 391.32 |
EUR | ⚊ | € 432.53 |
RUB | ⚊ | ₽ 4.6652 |
GBP | ⚊ | £ 514.27 |
GEL | ⚊ | ₾ 141.78 |
Ադրբեջանի և Հայաստանի սահմանին տիրող իրավիճակը քննարկման առարկա է դարձել Դուշանբեում՝ ՀԱՊԿ-ի արտաքին գործերի նախարարների խորհրդի նիստում: Այս մասին ասել է կազմակերպության գլխավոր քարտուղար Ստանիսլավ Զասը:
«ՀԱՊԿ-ն մտահոգությամբ է հետևում Հայաստանի Սյունիքի մարզի սահմանամերձ շրջաններում իրավիճակի զարգացմանը: Սա նաև քննարկման առարկա էր ՀԱՊԿ արտգործնախարարների խորհրդի այսօրվա նիստում»,- ասել է Զասը չորեքշաբթի՝ հանդիպումից հետո:
Ըստ նրա՝ ՀԱՊԿ-ն ողջունում է «այն բանակցությունները, որոնք սկսվել են հայկական և ադրբեջանական կողմերի միջև Ռուսաստանի միջնորդությամբ և վիճելի տարածքներից որոշ ստորաբաժանումների դուրս բերման մասին համաձայնագրի ձեռք բերմամբ»:
«Մենք նշում ենք, որ 2020 թվականի նոյեմբերի 10-ի եռակողմ համաձայնագրերի իրագործումն այլընտրանք չունի»,- ասել է Զասը: