Բլինքենն ու Լե Դրիանը հեռախոսով քննարկել են Մերձավոր Արևելքն ու Արցախը

ԱՄՆ պետքարտուղար Էնթոնի Բլինքենը և Ֆրանսիայի արտգործնախարար Ժան-Իվ Լե Դրիանը կիրակի հեռախոսազրույցում քննարկել են պաղեստինա-իսրայելական հակամարտության, ինչպես նաև Լեռնային Ղարաբաղի շուրջ ստեղծված իրավիճակը: Այս մասին ասվում է ԱՄՆ պետդեպարտամենտի մամուլի ծառայության ղեկավար Նեդ Փրայսի տարածած գրավոր հայտարարության մեջ. հայտնում է ՏԱՍՍ-ը:

Երկու երկրների արտգործնախարարները «քննարկել են Իսրայելի, Հորդանանի արևմտյան ափի և Գազայի հատվածում շարունակվող բռնությունների հետ կապված իրենց համատեղ մտահոգությունները, ինչպես նաև տարածաշրջանում գործընկերների հետ իրենց հարաբերությունները՝ խաղաղության հասնելու համար»:

«Պետքարտուղար Բլինքենը և արտգործնախարար Լե Դրիանը խոսել են նաև ԵԱՀԿ Մինսկի խմբի համանախագահող երկրների համագործակցության մասին և շեշտել Լեռնային Ղարաբաղում հակամարտության երկարաժամկետ քաղաքական կարգավորման անհրաժեշտությունը»,- ասել է ամերիկացի դիվանագետը: