ՄԱԿ-ի Անվտանգության խորհուրդը մայիսի 16-ին կքննարկի Իսրայելում և Գազայի հատվածում տիրող իրավիճակը

Մայիսի 16-ին ՄԱԿ-ի Անվտանգության խորհուրդը բաց հանդիպում կանցկացնի՝ քննարկելու համար պաղեստինա-իսրայելական հակամարտության գոտում լարվածության աճը: Այս մասին հինգշաբթի հայտնել է ՄԱԿ-ում ԱՄՆ մշտական ներկայացուցիչ Լինդա Թոմաս-Գրինֆիլդը:

«ՄԱԿ-ի Անվտանգության խորհուրդը կհանդիպի կիրակի օրը՝ Իսրայելում և Գազայի հատվածում իրավիճակը քննարկելու համար»,- գրել է նա Twitter-ում:

Սկզբնապես, Չինաստանը, Թունիսը և Նորվեգիան առաջարկել էին այս հարցով ՄԱԿ-ի Անվտանգության խորհրդի բաց նիստ անցկացնել մայիսի 14-ին, բայց այդ ամսաթիվը հարմար չէր եղել ԱՄՆ-ին, որն այս հակամարտության լուծման ծանրաբեռնվածության պատճառով առաջարկել էր մայիսի 18-ը։ Արդյունքում՝ ընտրվել է փոխզիջումային տարբերակ։